သေခြင်း လေးမျိုး

ရှေးအတိတ်ကံ- အမှန် တကယ်တော့ လူတိုင်း လူတိုင်း လူ့ဘ၀ လူ့ဌာနကို ရရှိရောက်ရှိ လာကြခြင်းဟာ ရှေးအတိတ် ကုသိုလ် ကံကြောင့် ဖြစ်တယ်။ ရှေးအတိတ်ကုသိုလ်ကံ များကို အမှတ်တမဲ့ သုံးစွဲမိလို့ ကုန်ဆုံး သွားကြရင်ဖြင့်နောင် ဖြစ်လာမည့် ဘ၀က မသေချာ။ “ကံမခိုင် သံတိုင် အိမ်ဆောက်တော့ကံမှောက်လျှင် ကျိုး” ဆိုသလို ကုသိုလ် ကံက အခြေမခိုင်လျင် ဘာလုပ်လုပ်အဆင်မပြေ နိုင်တော့။ သံတိုင် သံကွန်ကရစ် များနှင့် ဆောက်လုပ် ထားသည့်အိမ်တောင်မှ ကုသိုလ်ကံ မရှိတော့ သည်နှင့် ပျက်စီး ဆုံးရှုံးရ နိုင်၏။ကုသိုလ် ကောင်းမှု ကုန်ဆုံးသွား သည်နှင့် တပြိုင်နက် သတ္တ၀ါ အားလုံးမည်သူမဆို ပျက်စီးကြရ တော့တာပါပဲ။ မပျက်စီးတဲ့သူ ဘယ်သူမှ မရှိနိုင်ဘူး။ဒါဟာ ဓမ္မ နိယာမပဲ။

သေမည်မှန်- လူရယ်လို့ ဖြစ်လာပြန် ရင်လည်း လူတိုင်း အမှန်အကန်သေရဦးမှာပါပဲ။ ဒီနေ့ သေမလား မနက်ဖြန် သေမလား။ အခု ချက်ချင်းပဲ သေမလားစသည်ဖြင့် လားပေါင်း များစွာနဲ့ပဲ စောင့်ဆိုင်း နေရတာပါ။ သေခြင်း တရားဟာလာဘ်ပေးလို့လည်း မရနိုင်၊ ရင်းနှီးလို့ နေပါဦး တားလို့လဲ မရနိုင်၊ပစ္စည်းဥစ္စာ ဂုဏ် အရှိန်အ၀ါ သြဇာ အာဏာတွေနဲ့ တားလို့လည်း မရနိုင်၊ အနုမြူလက်နက် အင်းအားတွေ ပိုင်ဆိုင်လို့ ရင်ဆိုင် ယှဉ်ပြိုင် အနိုင်ယူ လို့လည်းမရနိုင်ပါဘူး။ ဆိုလိုတာက မွေးဖွားလာတဲ့ ဘယ်သူမဆို အမှန်တကယ် သေကြရအုံးမယ် ဆိုတာကို သတိထားဖို့ပါ။

လေးတန်သေမျိုးပြ၊ အဘိဓမ္မာမှာ သေခြင်း လေးမျိုး ပြောပြ ထားတယ်။

၁။သက်တမ်းကုန်လို့ သေခြင်းမျိုးက လူ့ဘ၀မှာ ခေတ်အခြေအနေ အချိန်အခါအရ ကန့်သတ်ထားတဲ့ အပိုင်း အခြားမျိုး။ ၇၅-နှစ်ဆို ၇၅-နှစ်ပေါ့။ အဲဒီလို သက်တမ်းပြည့်လို့၊ ကုန်လို့ သေတာကို ဆိုလိုတာ။

၂။ကံကုန်လို့ သေခြင်းဆိုတာ ၁၅-နှစ် နဲ့လည်း သေချင် သေမယ်၊ မွေးပြီး ကာစလည်းသေချင် သေမယ်။ ကံပါ သလောက်ပဲ အသက်ရှင်ခွင့် နေခွင့် ရခြင်းမျိုးကိုဆိုလိုတယ်။

၃။သက်တမ်းရယ် ကံရယ် နှစ်မျိုးကုန်လို့ သေခြင်း ဆိုတာက သက်တမ်း ကလည်းကျော်လွန် သွားပြီ၊ ကံကလည်း ကုန်ပြီ၊ ခုခေတ်ဆို အသက် ၈၀-အရွယ်၊ ၉၀-အရွယ်တွေကို ဆိုလိုတာပေါ့။

၎။ရုတ်တရက် သေခြင်း (ဥပစ္ဆေဒက+accideint) မျိုးကတော့ ရေနစ်တာတို့၊ ကားတိုက်ခံရတာတို့၊ သူများသတ်လို့ သေတာတို့ စသည်ဖြင့် ရုတ်တရက် သေဆုံးရ တာတွေကိုပြောတာပါ။ တချို့များ အဲဒီကံ (ဥပစ္ဆေဒကကံ) မပါလာလို့ ကတော့ သူများကကိုယ့်ကို ဘယ်လိုပင် လုပ်ကြံ လုပ်ကြံ၊ ဖျက်ဆီး ဖျက်ဆီး မပျက်စီးနိုင်မသေနိုင်ဘူး။ ဒါက သတိ ထားစရာ လေးတွေကို ပြောတာပါ။

ကုသိုလ်ရွေးချယ်- မတည်မြဲတဲ့ အရာတွေနဲ့ နှိပ်စက် ၀န်းရံနေလို့ လူတိုင်းဟာသေကြရ ဦးမှာ။ ဘယ်နေ့ သေမှာမှန်း မသိရလို့လဲ သတ္တ၀ါတိုင်း လူသားတိုင်းဟာကောင်းမှု ကုသိုလ် တရားတွေကို လုပ်သင့်တာ ပါပဲ။ တချို့က ငါမသေ နိုင်ဘူးအမှတ်မျိုးနဲ့ ကုသိုလ်တွေကို မေ့လျော့ ပေါ့ဆပြီး မလုပ်ဘဲ နေတတ်၊ နေရဲလိုက်ကြတာ။ ကြောက်စရာကြီး။ ကုသိုလ် လုပ်တဲ့ နေရာမှာ ခုဘ၀ရော နောင် ဘ၀ပါအကျိုး များစေမယ့် ကုသိုလ်မျိုး တွေကို ရွေးချယ်ပြီး လုပ်သင့်တယ်။

လုပ်ကြကွယ်- ဒီလိုမှ မဟုတ်ဘဲ ပါတီလုပ် ၀ိုင်းဖွဲ့ပြီး အရက်ဒကာ ခံတာမျိုး၊ကိုယ့် ဘော်ဒါတွေ နိုက်ကလာပ် သွားဖို့ ပိုက်ဆံပေးလိုက်တာမျိုး တွေဟာခုဘ၀ရော နောင်ဘ၀ပါ အကျိုစီးပွား ဖြစ်ထွန်း စေမယ့် ကိစ္စမျိုး မဟုတ်ဘူး။သက်ရောက် မှုက ဆိုးကျိုးဖက်ကို ဦးတည် သွားစေတယ်။ ပြောချင်တာက သူများဆီကမျှော်လင့်ချက် မထားဘဲ၊ အကျိုးလိုလို့ ညောင်ပင် ရေလောင်းတာမျိုး မဟုတ်ဘဲဖြူစင်တဲ့ စေတနာမျိုးနဲ့ ကုသိုလ် ကောင်းမှုကို လုပ်သင့်တယ်။

သူက ငါ့ကို ရေတိုက် လိုက်လို့ ငါက သူ့ကို ပြန်ပြီး ထမင်းစား ဖိတ်ကျွေးလိုက်တဲ့ ကုသိုလ်မျိုးက စစ်မှန်တဲ့ ကုသိုလ်မျိုး မဟုတ်သလို၊ သူက ငါ့ကိုကူညီလို့ ထမင်း ဖိတ်ကျွေးတာ၊ သူက ချမ်းသာလို့၊ သူ့ကို ခိုင်းလို့ရလို့သူ့ဆီက ရမယ့် အကူအညီကို မျှောင်လင့် တောင့်တပြီး လုပ်တဲ့ ကုသိုလ်မျိုးကလည်း စစ်မှန်တဲ့ ကုသိုလ်မျိုး မဖြစ်နိုင်ဘူး။ မြတ်ဗုဒ္ဓ ဟောထားသလို(တတြာနန္ဒ တိရစ္ဆာ နဂတေ ဒါနံ ဒတွာ သတဂုဏာ ပါဋိကင်္ခိ တဗ္ဗာ)မျိုးကိုယ့်အိမ်မှာ မွေးထားတဲ့ ကြောင်လေးကို ကြွက်ခုတ်လို့ အစာကျွေး တာမျိုးမဟုတ်ဘဲ စေတနာ သန့်သန့်လေးနဲ့ ကျွေးမွေး လိုက်ရင် အဆတစ်ရာ၊ ဘ၀တစ်ရာအကျိုးပေး နိုင်တယ်တဲ့။ စေတနာ စစ်မှနော်။ စစ်မှန်မှ ခုဘ၀ရော နောင်ဘ၀ပါသာမက နိဗ္ဗာန်ထိအောင် အကျိုးပေး များနိုင်တယ်။ အဲဒီလို ကုသိုလ်မျိုးတွေရွေးချယ်ပြီးလုပ်သင့်တယ်။

သုံးသွယ်- ကုသိုလ် မလုပ်မီ အရင်ဖြစ်တဲ့ စေတနာ၊ လုပ်နေဆဲ စေတနာ၊လုပ်ပြီးနောက် ၀မ်းသာနေတဲ့ စေတနာ။ အဲဒီ စေတနာ သုံးမျိုးဟာ ဘ၀အတွက် သိပ်အရေးပါတယ်။ ကုသိုလ် မလုပ်မီ သြော် ငါဖြင့် ဘယ်နေ့၊ ဘယ်ရက်၊ ဘယ်အချိန်၊ဘယ်နာရီမှာဖြင့် ကုသိုလ် လုပ်အုံးမှပဲ။ အဲဒီလို လုပ်ရမယ့် ကုသိုလ်တွေကိုတွေးပြီး
ဝမ်းသာကြည်နူး နေခြင်းဟာ အရမ်းကို အကျိုးကျေးဇူး များနေပါပြီ။ကုသိုလ် လုပ်နေဆဲ အချိန် ကိုတော့ မပြောလိုတော့ ပါဘူး သူက သိပ်သိသာနေတာကိုး။

သတိ ထားသင့်တာက ကုသိုလ် လုပ်ပြီးနောက် ကိုယ့်လုပ်ထား ခဲ့တဲ့ကုသိုလ်တွေကို ပြန်ပြီး ၀မ်းသာ ကြည်နူးနေမယ်။ အောက်မေ့ သတိရနေမယ်။သို့မဟုတ် တည်မြဲခြင်း မရှိတာတွေကို ပြန်လှန် သုံးသပ် မယ်ဆို အဲဒီကုသိုလ်တွေဟာ ပွားပြီးရင်းပွား တားမနိုင် ဆီးမရ ဖြစ်နေတဲ့ ကုသိုလ်မျိုး၊ခုဘ၀ နောင်ဘ၀ အကျိုး များမယ့်၊ နိဗ္ဗာန် ထိအောင် အကျိုးများမယ့်ကုသိုလ်မျိုး တွေပါပဲ။

တန်ဖိုးလှ- သိတဲ့ အမျိုးသမီး တစ်ယောက် ဆိုရင် သူ့ပိုက်ဆံကိုတန်ဖိုးထားရုံ (ကပ်စေးနည်းဟု မသုံးပါ) သာမက၊ သူလုပ်ထားတဲ့ ကုသိုလ်တွေကိုလည်း အရမ်း တန်ဖိုးထား ပါတယ်။ နောက်ပြီး တရားတွေ တော်တော် သိနေလို့လားမသိ၊ သူလုပ်ထားတဲ့ ကုသိုလ်တွေကို (ကြွားတာမျိုး မဟုတ်ဘဲ) ၀မ်းမြောက်ဝမ်းသာ ပြောတတ်၊ သူများကိုလည်း သာဓု ခေါ်စေတတ် ပါတယ်။

မှတ်မှတ်ရရ တစ်ခါတုန်းက သူများက သူမကို အအေး (အိတ်နဲ့ ထည့်ပေပြီး)တိုက်လိုက် ပါတယ်။ အဲဒီ အအေးကို သူမက မသောက်ချင်ဘူး (မတည့်တာလည်းပါမယ်)ပေါ့။ ပေးတဲ့ သူရဲ့ ရှေ့မှာ လွှင့်ပစ်ဖို့ ကလည်း မကောင်းတာမို့လွှင့်ပစ်ရမယ့် နေရာကို ရွေးချယ်ရင်း ဒီအတိုင်း လက်ထဲမှာ ပါလာခဲ့တယ်။အဲဒီနောက် လမ်းဘေးက အလှူခံ တစ်ယောက်က (သူတောင်းစားဟု မသုံးပါ) သူမ လက်ထဲကအအေးထုပ်ကို မြတ်မြတ်နိုးနိုးနဲ့ ကြည့်နေလို့ သူမက ၀မ်းသာ ကြည်နူးစွာနဲ့(အမှုိုက်ပုံးထဲ ထည့်မယ့် အထုပ်ကို) ငါ့လက်ကလွတ် ပြီးရော သဘောမျိုးမဟုတ်ဘဲ ကြည်ကြည်နူးနူး ၀မ်းမြောက် ၀မ်းသာနဲ့ ပေးလှူခဲ့ပြီး။ သူမလှူခဲ့တဲ့ အလှူကို ဧရာမ အလှူကြီး တစ်ခုအလား သဘောထားကို သူတပါး (မိမိ)အားသာဓုခေါ်စေ၊ ၀မ်းမြောက်စေ ခဲ့ပါတယ်။ အဲဒီ အမျိုးသမီး ချမ်းသာ ပါတယ်။ပစ္စည်း ဥစ္စာရော ကုသိုလ် ရောပေါ့။ တန်ဖိုး ထားတတ်ပုံကို ပြောတာပဲ။ တန်ဖိုးထားတာနဲ့ အမျှ ကုသိုလ်တွေ ပိုပြီး ပေါများ တတ်ပုံကို ပြောတာပါ။ တန်ဖိုးထားတာနဲ့ အမျှ တန်ဖိုး ရှိတော့ တာပါပဲ။

ပန်းကိုပုံပြု- ကုသိုလ်လုပ်တဲ့ အခါမှာ ပန်းတွေကို ဥပမာထားပြီး ကုသိုလ်လုပ်ရမယ်လို့ မြတ်ဗုဒ္ဓ ဟောတော် မူခဲ့ပါတယ်။ ဥပမာ အားဖြင့် စပါယ်ပန်းတို့၊ခရေပန်း တို့ကို တော်တော် များများ မြင်ဖူးကြ ပါလိမ့်မယ်။ အဲဒီပန်းလေးတွေဟာ တစ်ပွင့်တည်း ရှိနေရင် တန်ဖိုး မဲ့နေတတ် ကြပေမယ့်သီကြိုးနဲ့ သီကုံးလိုက်တဲ့ အချိန် မှာတော့ အရမ်းတန်ဖိုး မြင့်တက်သွားပါပြီ၊ အရာရာဟာ အမြင်တင့် အဆင်တင့် အသွင်တင့် သွားပါပြီ။ ပိုက်ဆံဟာတစ်ကျပ်ထဲဆို တန်ဖိုး သိပ်မရှိ တတ်ပေမယ့် ရာတို့ ထောင်တို့ သောင်းတို့သိန်းတို့ဆိုရင် လိုချင်တာ တွေကို ၀ယ်လို့ ရပါပြီ။ အဲဒီလိုပါပဲ ကုသိုလ်ဟာနည်းနေ သေးရင် မသိသာ သေးပေမယ့် ကုသိုလ်တွေ များလာတာနဲ့ တပြိုင်နက် လူ့ဘ၀၊နတ်ဘ၀၊ အဆင့်မြင့် ဘ၀တွေကို ၀ယ်လို့ ရပါပြီ။ နိဗ္ဗာန်ကို
ဝယ်ဖို့အထောက်အပံ့ ပေးနိုင်ပါပြီ။ ဆိုလိုတာက ပန်းပွင့်တွေကို ဥပမာထားပြီးကုသိုလ် လုပ်တဲ့အခါ နေ့စဉ်နေ့စဉ် နည်းသည်ဖြစ်စေ၊ များသည်ဖြစ်စေ၊လုပ်နိုင် သလောက် လုပ်သွားကြဖို့ပါ။

ကုသိုလ်စု- တစ်စက္ကန့်ဟာ တန်ဖိုး မရှိတတ် ပေမယ့် စက္ကန်ပေါင်း များစွာရှိလာရင်၊ တစ်မိနစ်ကို သတိ မထားတတ်ကြ ပေမယ့် မိနစ်ပေါင်း များစွာရှိလာရင်၊ တစ်နေ့ တစ်လေဟာ မသိသာ ပေမယ့် နေ့ပေါင်း များစွာ ကြာလာရင်သိပ်ကို ထူးထူးခြားခြား ဖြစ်တတ် ရှိလာတတ် ပါတယ်။ ကုသိုလ်လုပ်တဲ့အခါမှာလည်း ဒီအတိုင်း ပါပဲ တစ်စက္ကန့်လောက် လုပ်လိုက်တဲ့ ကုသိုလ်၊တစ်မိနစ်၊ တစ်နာရီ၊ တစ်ရက်လောက် လုပ်လိုက်တဲ့ ကုသိုလ် တွေဟာ မသိသာ ပေမယ့်စက္ကန့်တွေ၊ မိနစ်တွေ၊ နာရီတွေ၊ နေ့တွေ ထပ်လာ ဆက်လာရင်၊ ကုသိုလ်တွေစုနိုင်လာတာနဲ့ တပြိုင်နက် အဲဒီ ကုသိုလ်ရဲ့ အကျိုးတရား တွေကို လိုသလိုအသုံးချလို့ ရနိုင်တော့ တာပါပဲ။

တစ်ခုခုတော့- ကုသိုလ် လုပ်တယ် ဆိုတာ ပိုက်ဆံရှိမှ လုပ်လို့ ရတာမဟုတ်ပါဘူး။ မရှိလည်း လုပ်လို့ ရတာပါပဲ။ နံနက် ညနေ ဘုရားရှိခိုး တာတို့၊ဘုရား ဂုဏ်တော်၊ တရား ဂုဏ်တော်၊ သံဃာ ဂုဏ်တော် ပွားများတာတို့၊ ရွတ်ဆိုတာတို့၊ မေတ္တာ ပို့တာတို့၊ သူများ အကျိုး စီးပွားကို လိုလား တာတို့၊သူများ အဆင် ပြေနေတာ တွေ့ရင်
ဝမ်းမြောက် ၀မ်းသာ ရှိတာတို့၊ သူများမကောင်း မပြောတာတို့၊ ကူညီနိုင်တာ တွေ့ရင် ကာယအား၊ ဥာဏအားဖြင့်ကူညီတာတို့ စတာတွေဟာ ပိုက်ဆံ မကုန်ဘဲ ရတတ်တဲ့ ကုသိုလ်တွေပါ။ ပိုက်ဆံမကုန်တဲ့ တန်ဖိုး အကြီးဆုံး ကုသိုလ် ကတော့ နေ့စဉ်နေ့တိုင်း မိမိ ရှူနေထုတ်နေတဲ့ ၀င်လေ၊ ထွက်လေကို သတိထား စောင်းကြည့် နေရင်၊ ဒါမှမဟုတ်မိမိလုပ်နေတဲ အရာတွေကို မျက်ခြေ မပြတ် သတိနဲ့ စောင့်ကြည့်နေ၊ မိမိရဲ့ခန္ဓာကိုယ်ရဲ့ ဖြစ်စဉ်၊ မိမိစိတ်ရဲ့ ပြောင်းလဲ တတ်တဲ့ ဖြစ်စဉ်တွေကိုစောင့်ကြည့် နေနိုင်မယ် ဆိုရင် တန်ဖိုး ဖြတ်လို့ မရနိုင်တဲ့ ကုသိုလ်တွေပါပဲ။ တစ်ခုခု ကိုတော့ မျက်ခြေ မပျက် သတိနဲ့ မှတ်နေဖို့ပါပဲ။

လုပ်ရမှ- အလုပ်ကတော့ နေ့စဉ် လုပ်နေရ တာပါပဲ။ ဆင်းရဲ သူလည်း ဆင်းရဲတဲ့အလျောက်၊ ချမ်းသာ သူလည်း ချမ်းသာတဲ့ အလျောက် လုပ်နေကြရ တာပါပဲ။ အလုပ်မလုပ်တဲ့ သူရယ် လို့တော့ တစ်ဦးမှ ရှိမယ် မထင်ပါဘူ၊ တန်ဖိုးရှိတဲ့ အလုပ်၊တန်ဖိုးမဲ့တဲ့ အလုပ် ဒါတွေပဲ ကွာခြား သွားကြ လိမ့်မယ်လို့ ထင်ပါတယ်။အလုပ် လုပ်နေကြ ပေမယ့် ကုသိုလ် ပညာ၊ ဥစ္စာ ရှာမှု၊ တစ်ခုခု၊ မရသူမှာအရှုံးသာ ဆုံးမ စကားတွေ ရှိပါတယ်။ ဒါပေမယ့် ဘ၀အတွက် အဓိပ္ပါယ် ရှိဖို့ဘ၀မရှုံးဖို့ ကတော့ နေ့စဉ်နေ့စဉ် ကုသိုလ် လုပ်ရမှ ဖြစ်မယ်။

အိပ်ခါနီး နဖူးပေါ် လက်တင် စဉ်းစား ကြည့်လိုက် ဒီနေ့ ငါ ဘာကုသိုလ်တွေလုပ်ပြီးပြီလဲ။ တကယ်လို့ ဘာမှ မလုပ်ရ သေးရင်၊ မလုပ်ဖြစ် ခဲ့ရင် အရှုံးတော့မခံပါနဲ့၊ နှာသီးဖျားက ၀င်လေ ထွက်လေကို သတိထားလို့ ဖြစ်စေ၊ ၀မ်းဗိုက်ပေါ်လက်တင်ပြီး ဖောင်းတာ ပိန်တာကို သတိထားလို့ ဖြစ်စေ၊ ဘုရား၊ တရား၊ သံဃာ၊မိဘ၊ ဆရာသမား တို့ရဲ့ ဂုဏ်တော် တွေကို ပွားလို့ပဲ ဖြစ်စေ၊ မေတ္တာပွားလို့ပဲ ဖြစ်စေ တစ်နေ့တာ အတွက် ဘ၀ မရှုံးအောင် လုပ်ဖို့တော့ လိုအပ်ပေလိမ့်မယ်။ ဆိုလိုရင်း ကတော့ နေ့စဉ် နေ့စဉ် လုပ်နိုင် သလောက် ကုသိုလ်တွေကို တစ်ခုပြီး တစ်ခု လုပ်ဆောင် နေမယ် ဆိုရင် နေ့ပေါင်း များစွာကြာမြင့်လာသော အခါ…
အချုပ်။ ပါဠိမြန်မာ၊ အနက်ရှာ၊ လိပ်မှာ မူရင်းက။ရှေးအတိတ်ကံ၊ သေမည်မှန်၊ လေးတန်သေမျိုးပြ။ကုသိုလ်ရွေးချယ်၊ လုပ်ကြကွယ်၊ သုံးသွယ် တန်ဖိုးလှ။ပန်းကို ပုံပြု ကုသိုလ်စု၊ တစ်ခုခုတော့ လုပ်ရမှ။

ဘု၇ား ပ၇ိနိဗ္ဗာန် စံကာနီး နောက်ဆုံးစကား

၃၁ဘုံတွေကတော့
ဗြဟ္မာ့ဘုံ ၂၀ဘုံ
နတ်ဘုံ ၆ဘုံ
လူ့ဘုံ ၁ဘုံ
အပါယ်၎ဘုံ

မိမိပါဝင်နေပါသေးတယ်။

မြတ်စွာဘုရား ပရိနိဗ္ဗာန် စံဝင်ခါနီးအချိန်မှာ မှာခဲ့တဲ့ မှာတမ်းလေးကနောက်ဆုံးစကားလေးပြီးတာနဲ့ ပရိနိဗ္ဗာန်စံသွားတာပါ။ ၀ရဓမ္မာသင်္ခါ၇ အပ္ပမာဒေနသံပါဒေထ။ ချစ်သား ချစ်သမီးတို့  ငါဘု၇ား ပ၇ိနိဗ္ဗာန် စံကာနီး နောက်ဆုံးစကားမှာကြားမယ်.. ချစ်သား ချစ်သမီးတို့ ယခုရရှိနေတဲ့  ရုပ်နာမ် နှစ်ပါး ၊ခန္ဓာငါးပါး သင်္ခါရတရားတို့ သည် အမြဲတမ်း ပျက်နေတယ်။ အမြဲတမ်းပျက်နေတဲ့ရုပ်နာမ် ၂ပါး ခန္ဓာ၅ပါးက အနိစ္စအမြဲမရှိပါလို့ အသစ်အသစ်တွေသာအစားထိုးနေတာကို သိသိပေးဖို့ကို မမေ့မလျော့ မပေါ့မဆသော ၀ိပဿနာ တရားဖြင့်ရှုပွားပြီးတော့ နေရစ်ကြ လို့  မှာကြားတော် မူပါတယ်။ အခုလည်းပ၇ိနိဗ္ဗာန်စံကာနီးမှာ အေးအေးချမ်းချမ်းနဲ့ လွတ်လွတ်လပ်လပ် ပရိနိဗ္ဗာန်မစံနိုင်ဘူး။ သူ့၇ဲ့ ချစ်သား ချစ်သမီးတို့ ဝိပဿနာ မပွားဘဲနေ၇စ်မှာစိုးရှာလို့  ခန္ဓာငါးပါး အဖြစ်ပျက်ကို ၀ိပဿနာ ရှုပြီးတော့နေရစ်ကြပါလို့ မှာခဲ့ရှာတယ်။ မြတ်စွာဘုရား မေတ္တာ စေတနာ ပါ။ဒါတင်မကသေးပါဘူး။ သက်တမ်းရှည်တဲ့ ဘုရားရှင်တွေလက်ထက်မှာဆို၇င် သူတို့ပရိနိဗ္ဗာန် စံသွား၇င် တခါတည်း သာသနာပါ ကွယ်သွားတယ်။ သာသနာကုန်တယ် ဆိုတာမဂ်ဖိုလ်၇တတ်တဲ့  ၀ိပဿနာတရားတွေ ကုန်တာပါဘဲ။ ဘုရားတစ်ဆူပွင့်၇င်သတ္တ၀ါအပေါင်း နှစ်ဆယ့် လေးသင်္ခေ်ျနဲ့ ဗိုလ်ချေတစ်သိန်း ချေချွတ်၇ပါတယ်။ဘုရားတစ်ဆူရဲ့ တာဝန်ပါ။ ဒါပေမဲ့ ဂေါတမမြတ်စွာဘု၇ားက ဆယ်ခြောက်သင်္ချေပဲချေချွတ်နိုင်ခဲ့ပါတယ်။ ရှစ်သင်္ချေနဲ့ ဗိုလ်ချေတစ်သိန်းကျန်သေးတယ်။ အဲ့လိုကျန်ခဲ့တဲ့ အထဲမှာ အခုရှိနေတဲ့ မိမိတို့ အပါဝင် သတ္တ၀ါအနတ္တပါပါတယ်။ သူသာသာသနာ မထားခဲ့၇င် မိမိတို့ ယောဂီတွေ ၀ိပဿနာတရား မနာနိုင်တော့ပါဘူး။ပျောက်သွားပါဘီ။သာသနာမရှိတဲ့ အချိန်မှာ လူဖြစ်လို့  တရားနာချင်လို့ငွေသိန်းနဲ့ချီ လျှောက်ပေးအုံး ဘယ်သူမှ မဟောနိုင်တော့ဘူးတဲ့။ သာသနာကိုမြတ်စွာဘုရားက ၅၀၀၀ ထားခဲ့တဲ့ အထဲမှာ နှစ်ပေါင်း ၂၅၄၆နှစ်ကုန်သွားဘီ။နောက်ထပ် နှစ်ပေါင်း ၂၄၀၀ကျော်ကျန်သေးတယ်။ သာသနာနှစ်ပေါင်း ၂၄၀၀ကျော်ကျန်သေးတာ ၀ိပဿနာတရားကို မနာကြားသေးပါဘူး။ အားမထုတ်သေးပါဘူးလို့ပေါ့ပေါ့တန်တန်နေတတ်ကြပါတယ်။ ဒီအတွေး အခေါ်ဘယ်လောက်မှားယွင်းနေပါသလဲဆိုတာ။ အဲ့လို နေမယ်ဆို၇င်တော့ အမှားကြီးမှားပါဘီ။အဲ့ဒီ သာသနာ နှစ်ပေါင်း ၂၄၀၀မှာ မိမိနဲ့ ဘယ်လောက်များဆိုင်သလဲလို့ စဉ်းစားပါ။ ဒီနေ့ ည ကိုယ်သေသွားဘီတဲ့ နောက်နေ့ အဲ့သာသနာ မိမိနဲ့ဆိုင်သေးလားဆိုတော့ မဆိုင်တော့ဘူး။ ဒီတော့ ကိုယ်နဲ့ ဆိုင်တဲ့ သာသနာဟာမသေခင်ကလေးမှာ သာ ဆိုင်တာပါ။ ဒါကို သတိ၇ပါ။ တချို့ ထင်တယ် ။ နောက်ဘ၀ပဲလူဆက်ဖြစ်ပြီး သာသနာနဲ့ ပြန်ကြုံ၇တော့မလိုလိုနဲ့လွယ်တယ်မထင်လိုက်ကြပါနဲ့ ။ ဒိဋ္ဌိမပျောက်သေးတဲ့ ပုဂ္ဂိုလ်များဟာသုဂတိရောက်တာ နည်းပါတယ်။ ဒုက္ခတိ..အပါယ်သွားကြတာ များပါတယ်။ ဒါကြောင့်ဒီဒိဋ္ဌိတွေကို ပယ်နိုင်သမျှ ပယ်နိုင်အောင် မိမိတို့ကိုယ်တိုင်လေ့ကျင့်ဘို့်လိုအပ်ပါတယ်။ ကိုယ်သေတာနဲ့ သာသနာနဲ့  မဆိုင်တော့ဘို့ ပါများပါတယ်။ ငရဲ၊တိရိစ္ဆာန် ပြိတ္တာဘ၀ရောက်သွား၇င် သာသနာနဲ့ ဆိုင်လို့  မ၇တော့ပါဘူး။မိမိတို့ တရက်နေ၇ရင် သာသနာနဲ့ တရက်ပဲဆိုင်တယ်။ တလနေရရင် သာသနာဟာ မိမိနဲ့တလပဲ ဆိုင်တယ်။ သေတာနဲ့ မဆိုင်တော့ပါဘူး။ သေပြီးတော့ အပါယ်ကျသွား၇င်တော့ သွားဘီသာ မှတ်ပါ။ ဒါကြောင့် အသေမဦးခင်မှာ ဥာဏ်ဦးဖို့အရေးကြီးပါတယ်။ စားဝတ်နေရေးဆိုတာ သေတဲ့ အထိရှာ၇မှာပါ။ ဒါကြောင့်ဘုရားမှာခဲ့တဲ့ စကားကို လေးစားကျေးဇူးတင်သော အားဖြင့် နားထောင်တဲ့ အနေနဲ့ဝိပဿနာ တရားရှုပွားခြင်းအလုပ်ကို မဖြစ်ဖြစ်အောင် ၂၄နာ၇ီမှာ ၁နာ၇ီ၂နာ၇ီလောက် နေ့စဉ်ပေးကြည့်ကြပါလို့ တိုက်တွန်းပါတယ်။ မိမိကိုယ်ကိုသနားကြပါ။ မိမိကိုယ်ကို ပြန်ကယ်ပါ။ ကြုံတုန်းကြိုက်တုန်း..ဆိုတဲ့ အတိုင်းကြုံတဲ့ အချိန်မှာ ကြိုက်လိုက်ကြစမ်းပါ။ သာသနာ ၅၀၀၀ထားခဲ့တဲ့ဘုရားရှင်ကို လေးလည်း လေးစားကြပါ။ ကဿပ ဘုရားရှင် ပရိနိဗ္ဗာန် စံတဲ့ အခါမှာဓါတ်တော်ကို တစ်လုံးထဲ ထားခဲ့ပါတယ်။ အဲ့ဒါကို စေတီတည်လိုက်ပါတယ်။ဂေါတမမြတ်စွာဘုရားသခင်ကိုယ် တော်မြတ်ကြီးကတော့ ငါနဲ့  ငါ့သာသနာမကြုံလိုက်၇တဲ့ ဝေနေယျသတ္တ၀ါအပေါင်း ငါ့ဓါတ်တော်တွေ ဖူးပြီးတော့ဘုရား၊တရား၊သံဃာကို သတိ၇ကြပါစေ.. မဂ်ဖိုလ် ၇မဲ့အလုပ်တွေ လုပ်နိုင်ကြပါစေ။မဂ်ဖိုလ်၇မဲ့တရားတွေ နာကြားနိုင်ကြပါစေ။ အကျွတ်တရားရကြပါစေ .. ၀ိပဿနာတရားနာကြား အားထုတ်ဖြစ်ကြပါစေလို့ စေတနာနဲ့ သူ့ ရဲ့ ဓါတ်တော်တွေကိုအစိပ်စိပ် အမွှာမွှာကွဲအောင် အဓိဋ္ဌာန်တော်မူခဲ့ပါတယ်။ ဒါကြောင့်ဂေါတမမြတ်စွာဘုရား သခင်ရဲ့ ဓါတ်တော်တွေဟာ အစိပ်စိပ်အမွှာမွှာကွဲပြီး ကမ္ဘာအ၇ပ်၇ပ်မှာ ပျံ့ နှံ့ လို့ နေပါတယ်။ မြတ်စွာဘုရား၇ဲ့  ဓါတ်တော်တွေဖူးပြီးတော့ အသိဥာဏ်တွေရ ၊၀ိပဿနာတရားတွေ ရှုပွားကြ အားထုတ်ကြနဲ့ မဂ်ဖိုလ်ရတဲ့  ပုဂ္ဂိုလ်တွေလည်း ကမ္ဘာနဲ့ အ၀ှမ်း မှာလည်းအများကြီးရှိပါတယ်။ ဘုရားရှင်ကို ဒီအချက်အတွက် ကျေးဇူးတင်စရာကောင်းလွန်းပါတယ်။ပ၇ိနိဗ္ဗာန်စံကာနီး အချိန်မှာတောင် အခြားဘုရားတွေကဲ့သို့အေးအေးဆေးဆေး မစံနိုင်ဘူး.. မိဘက သားသမီးကိုပူသလို .သူ့တရားမနာလိုက်၇တဲ့နောက်ပိုင်း ပုဂ္ဂိုလ်တွေ အကန်းပုထုဇဉ်ဘ၀နဲ့ သေသွား၇မှာ သိပ်စိုး၇ိမ်ပြီးပရိနိဗ္ဗာန်စံကာနီး အချိန်မှာ မှာပါတယ် ။ ဘာမှာသလဲဆိုတော့ …ချစ်သားချစ်သမီးတို့ ငါဘုရား ပရိနိဗ္ဗာန်စံကာနီး နောက်ဆံုးစကား အဖြစ်အရေးကြီးစကား မှာကြားခဲ့မယ်။ ဒီရုပ်နာမ်၂ပါး ခန္ဓာငါးပါးဆိုတာ ဖြစ်ပြီးပျက်နေကြတယ်။ အဲ့ဒါကို ဆရာကောင်း သမားကောင်းထံ နည်းယူပြီးတော့ မမေ့မလျော့မပေါ့မဆတဲ့ သတိနဲ့ စဉ်ဆက်မပြတ် ၀ိပဿနာတရား ရှုပွားပြီး နေရစ်ကြပါ…လို့အရေးတကြီး မှာကြားခဲ့ပါတယ်။ ဒါနပြုကြ၊ သီလပြုကြ၊ သမထလုပ်ကြလို့အရေးတကြီးမမှာထားခဲ့ပါဘူး။
၁၅မိနစ်လေးပဲရရပါ။
စိတ်ပင်ပန်းရင် လူပင်ပန်းလွန်းရင် ချက်ချင်း တရားထိုင်မှတ်လို့မရနိုင်ပါဘူး။ (အလေ့ကျင့် များလာတဲ့ ပုဂ္ဂိုလ်များအနေနဲ့ကတော့ တရားစိတ်သွင်းလိုက်တာ နဲ့ အမောပြေသွားပါတယ်။) ဒါကြောင့် မပင်ပန်းပဲ အိပ်ေ၇းဝတဲ့မနက်ပိုင်း အချိန်လေးကို ၁၅မိနစ်ပဲရရ ဆက်တိုက် တရားနှလုံးသွင်းပေးတာအကျိုး ပိုဖြစ်ထွန်းပါတယ်။ အချိန်အများကြီးထိုင်ပြီး မထိရောက်တာထက် စာရင်၁၅မိနစ်နာရီဝက်မှာ အပြည့်နှလုံးသွင်းနိုင်တာ ပိုထိရောက်စေပါတယ်။

1. 1.မြင်ရင် မြင်တဲ့နေရာမှာရပ်။ ဆက်ပြီး ဘယ်သူ ဘယ်ဝါ ဘာမြင်တယ်မခွဲခြားန့ဲ။ မြင်တယ်လို့ပဲ သိရုံသိလိုက်ပါ။ ဒီလောက်ပဲ။

2. ကြားရင် ကြားတဲ့ နေရာမှာရပ်။ ဘယ်မင်းသား၊ မင်းသမီးရဲ့ အသံလို့မခွဲခြားနဲ့။ ဘယ်သူ့အသံလား ဆူညံသံလား ဘာသံလား နားဝင်ချိုသံလားမခွဲခြားပါနဲ့ ။ ကိလေသာ ကြားမ၀င်စေနဲ့။ ကြားတဲ့ အသံလို့ပဲသိရုံသိလိုက်ပါ။

3. အနံ့၇တာနဲ့ ရပ်ပစ်။ နံတဲ့စိတ်လေး ပေါ်ရုံပဲ။ ဘာနံ့ညာနံ့လို့မခွဲခြားပါနဲ့။ အနံ့ ၇တယ်လို့ သိရုံလေးသိပြီး ဖြတ်ချလိုက်။

4. စားလည်း ၀က်သားကြက်သား မခွဲနေနဲ့  ။ ဘာဟင်း ညာဟင်း မခွဲခြားပါနဲ့။ စားကောင်းတယ် မကောင်းဘူး မခွဲခြားပါနဲ့ ။ အရသာပေါ်တဲ့ အချိန်လေးမှာတင်အရသာပေါ်တယ်လို့ သိရုံသိပြီး ရပ်ပစ်ပါ။

5. ထိရင် ထိတဲ့နေရာမှာတင် ရပ်လိုက်ပါ။ နူးညံ့တယ် ကြမ်းတမ်းတယ်မခွဲခြားပါနဲ့ ။ ထိတယ်လို့ပဲ သိရုံလေးသိပေးလိုက်ပါ။

6. တွေး၇င် တွေးမှန်းသိလိုက်။ ဘာတွေးတယ်လို့ ဆက်မတွေးနဲ့။အတွေးပေါ်သွားတယ် ဆို၇ုံလေးသိပြီး ဖြတ်ချပစ်ပါ။ ရပ်ပစ်ပါ။

အဲ့ဒါ တ၇ားအားထုတ်နေတာပါ။ ၀ိပဿနာတရားအားထုတ်၇ခြင်း ၇ည်၇ွယ်ချက်ကကိလေသာတွေ ကုန်ဘို့ ခမ်းဘို့ နည်းဘို့ ပါးဘို့ ပျောက်ဘို့ ပါ။ဘယ်နေရာမဆို ဘယ်အချိန်မဆို တ၇ားအားထုတ်လို့ ၇ပါတယ်။ဒီခြောက်ချက်ကို အဓိကသိပေးနေပါ။ ဆက်တိုက်သတိထား သိပေးနေပါ။ ဘာလို့ ဆက်တိုက် သိနေ၇မလဲဆိုတော့မျက်စိတမှိတ် တစက္ကန့်မှာ စိတ်က ကုဋေတစ်သိန်းပြေးနေတာကို လောဘ ဒေါသ မောဟမာနစတဲ့ ကိလေသာ ကင်းစင်တဲ့  အရိယာအဖြစ် မရောက်ရှိသေးခင်ဖြစ်တဲ့ပုဂ္ဂိုလ်တို့ရဲ့  လောဘ၊ဒေါသ၊ မောဟ ဖုံးနေသေးတဲ့ ဥာဏ်နဲ့လိုက်မမှီနိုင်သေးလို့ မိမိဥာဏ်မှီသလောက် သိသလောက် ဖြတ်ချနေရပါမယ်။ဒါလောဘ၊ ဒေါသ၊ မောဟကို ပါးအောင် ကုန်အောင် လေ့ကျင့်ပေးနေတာပါ။ ဖြတ်ချရင်းလောဘ ဒေါသ မောဟပါးလာတာနဲ့ အမျှ သိလာတဲ့ အသိဥာဏ်တွေ မြန်ဆန်လာတာကိုတွေ့ရပါလိမ့်မယ်။ လုပ်သာလုပ်ပေးနေပါ။ လေ့သာလေ့ကျင့်ပေးနေပါ။အကျိုးတွေကတော့ အံ့သြလို့ မကုန်အောင် သူ့အလိုလို ဖြစ်ထွန်းလာပါလိမ့်မယ်။မမျှော်လင့်နဲ့.. ဒါပေမဲ့ သူ့အလိုလို မကောင်းတာတွေ ဘေးအန္တရာယ်တွေကိုပယ်သွားပါလိမ့်မယ်။ မိမိတာဝန်က လေ့ကျင့်နေဘို့ပါ။ တရားတာဝန်ကတကယ်အရှိတရား သူ့အလိုလိုဆိုတဲ့ အနတ္တသဘောကို ပြလာပါလိမ့်မယ်။

သူတော်ကောင်းအပေါင်း ဘေးရန်ကင်းကွာ ကိုယ်စိတ်နှစ်ဖြာ ချမ်းသာစွာနဲ့မတရားဟုဆိုအပ်သော လောဘ ဒေါသ မောဟ မာန ကိလေသာများနဲ့အချိန်ကုန်ချိန်နည်းပြီး တရားဟုဆိုအပ်သော လောဘ ဒေါသ မောဟ မာနကိလေသာများကို ဖြတ်ချနိုင်သောအချိန်အများစု ဖြစ်နိုင်ကြပါစေလို့

မေတ္တာများဖြင့်
http://maythetwin.multiply.com

ဆရာတော်ဦးဇောတိက၏ ` စိတ်ချမ်းသာဖို့လိုရင်းပါ

Subject: ဆရာတော်ဦးဇောတိက၏ ` စိတ်ချမ်းသာဖို့လိုရင်းပါ` မှTo:
(ဆရာတော်ဦးဇောတိက၏ ` စိတ်ချမ်းသာဖို့လိုရင်းပါ` မှ)

TODAY IS THE PRESENT

Yesterday is just a memory.
Tomorrow we may never see.
There’s beauty all around us,
Life can be so pleasant.
Today is like a gift
That’s why it’s called the present.


ဒါတွေကိုမမေ့မှ စိတ်ချမ်းသာမယ်

(၁) ငါဟာ ငါ့ဘ၀မှာ အရေးပါတဲ့သူ ဖြစ်တယ်။ ငါ့မိသားစုဘ၀မှာလည်း အရေးပါတဲ့သူဖြစ်တယ်။ ငါ့အသိုင်းအ၀ိုင်းမှာလည်း အရေးပါတဲ့သူ ဖြစ်တယ်။ ဘာတွေလုပ်ပေးနိုင်လို့ အရေးပါတာလဲ။ ဘာမှ ထူးထူးခြားခြား လုပ်ပေးနိုင်လို့မဟုတ်ပါဘူး။ သွားရင်းလာရင်းနဲ့ စိတ်ချမ်းသာစရာလေးတွေကို ငါ ပြောနိုင်တယ်။တစ်ခါတလေ ကိုယ်တတ်နိုင်တဲ့အကူအညီ ပေးနိုင်တယ်။ ငါ့ကြောင့်နည်းနည်းလေးဖြစ်ဖြစ် စိတ်ချမ်းသာမှု ရစေချင်တယ်။
ငါ့ဘ၀မှာ ငါဟာ အရေးအပါဆုံးလူ မဟုတ်ရင် ဘယ်သူက ငါ့ဘ၀မှာအရေးအပါဆုံး ဖြစ်မလဲ။ ငါဟာ ဘာမှ အသုံးမကျတဲ့သူလို့ ငါ့ကိုယ်ငါ သဘောထားရင်ဘယ်လိုလုပ် စိတ်ချမ်းသာမလဲ။ ဘယ်လိုလုပ် စိတ်အားတက်မလဲ။
(၂) ငါ ဘယ်သူ့ကိုမှ ဒုက္ခမပေးမိအောင် သတိထားတယ်။ တစ်ယောက်ကိုတစ်ယောက်ဒုက္ခပေးနေကြရင် ဒီလောက်လူတွေများတဲ့ လောကကြီးမှာ ဘယ်နေလို့ ဖြစ်တော့မလဲ။ဒါကြောင့် စိတ်ချမ်းသာမှုမပေးနိုင်ရင် ရှိပါစေတော့ စိတ်ဆင်းရဲမှုတော့မပေးမိအောင် သတိထားပါတယ်။
(၃) ဒီနေ့ဟာ အရေးအကြီးဆုံးနေ့ပဲ။ ဒီနေ့ကို တန်ဖိုးထားမှ နေ့တိုင်းတန်ဖိုးရှိတဲ့နေ့ ဖြစ်မယ်။ နေ့တိုင်း တန်ဖိုးရှိတဲ့နေ့ဖြစ်မှ ငါ့ဘ၀ဟာတန်ဖိုးရှိတဲ့ဘ၀ဖြစ်မယ်။ ဒါကြောင့် ဒီနေ့ တန်ဖိုးရှိတာ လုပ်မယ်။ပညာရှာမယ်။ မိတ်ဆွေကောင်းရှာမယ်။ စိတ်ချမ်းသာအောင် နေမယ်။ မွေးနေ့မှာHappy Birth Day ပျော်ရွှင်စရာမွေးနေ့လို့ ပြောကြတယ်။ပျော်လည်းပျော်ကြတယ်။ နေ့တိုင်း အဲဒီလို ပျော်လို့ မဖြစ်ဘူးလား။မဖြစ်နိုင်စရာအကြောင်း ဘာရှိသလဲ။ နေ့တိုင်း မွေးနေ့လို့ သဘောထားမယ်။
(၄) ဒီနေ့လုပ်ရမယ့် အလုပ်တွေကို အကောင်းဆုံးဖြစ်အောင် လုပ်မယ်။ လူတွေကိုအကောင်းဆုံးသဘောထားနဲ့ ဆက်ဆံမယ်။ ငါနဲ့တွေ့ရတဲ့ လူတွေဟာ ငါ့လိုပဲ ဘ၀ကိုရုန်းကန်ပြီး နေသွားကြတယ်။
(၅) ကိုယ်တတ်နိုင်တာကို ပျော်ပျော်ရွှင်ရွှင် စိတ်ပါလက်ပါ၊ ရိုးရိုးသားသားစေတနာနဲ့ လုပ်မယ်။ မတတ်နိုင်တာကို မတတ်နိုင်ဘူးလို့ သဘောထားမယ်။ အဲဒီလိုမတတ်နိုင်တဲ့အတွက်ကြောင့် စိတ်ဆင်းရဲမခံဘူး။
(၆) ဒီနေ့ အကူအညီလိုတဲ့ ငါ့မိတ်ဆွေတစ်ယောက်ကို အကူအညီပေးမယ်။ လူ့ဘ၀မှာတစ်ဦးကိုတစ်ဦး အကူအညီပေးပြီးနေသွားမှ အားလုံး အဆင်ပြေမယ်။ ငါကလည်းဘယ်သူ့ကိုမှ အကူအညီမပေးဘူး။ ဘယ်သူ့ဆီကမှလည်း အကူအညီ မယူဘူး ဆိုပြီးနေလို့ မဖြစ်ဘူး။
(၇) ငါ ခင်သလို ငါ့ကို မခင်ကြဘူးလို့ အပြစ် မတင်ဘူး။ သူတို့ မခင်တာဟာငါ့အတွက် စိတ်ဆိုးစရာ မဟုတ်ဘူး။
(၈) ` အပ္ပမာဒေန သမ္ပာဒေထ` လို့ ဘုရား နေ့တိုင်း ဟောကြား သတိပေးတာကိုမမေ့ဘူး။ အရေးးအကြီးဆုံး သတိပေး ဟောကြား မှာထားခဲ့တာကို နေ့တိုင်းအားထုတ်မယ်။ နေရာမရွေး အချိန်မရွေး သတိနဲ့နေမယ်။ ဒါတွေကို မမေ့မှစိတ်ချမ်းသာမယ်။
(၉) ဒီနေ့ဟာ ငါ တကယ်နေရတဲ့နေ့ပဲ။ ပျော်ရွှင်မှု၊ စိတ်ချမ်းသာမှုဟာ အပြင်မှာမရှိဘူး။ အတိတ်မှာ မရှိဘူး။ အနာဂတ်မှာ မရှိဘူး။ အခု ပစ္စုပ္ပာန်မှာပဲရှိတယ်။ ငါ့ကိုယ်ကိုငါ ကျေနပ်နေတယ်။ ငါ့ဘ၀ကိုငါ ကျေနပ်နေတယ်။ငါ့စိတ်ချမ်းသာမှုဟာ ငါ့တာဝန်ပဲဆိုတာ ငါသိတယ်။ ငါစိတ်ချမ်းသာနေမှငါနဲ့တွေ့ရတဲ့သူတွေကို စိတ်ချမ်းသာမှု ပေးနိုင်
မယ်။ အနည်းဆုံးတော့ ငါ့အပြုံးဟာ လှိုက်လှဲတဲ့အပြုံး ဖြစ်စေရမယ်။
(၁၀) ငါဟာ ငါ့ရဲ့ အကောင်းဆုံးမိတ်ဆွေဖြစ်နိုင်သလို အဆိုးဆုံးရန်သူလည်းဖြစ်နိုင်တယ်။ သူများက ငါ့ကို နေရာမရွေး အချိန်မရွေး ဒုက္ခမပေးနိုင်ဘူး။ငါ့စိတ်ကိုငါ မထားတတ်ရင် အချိန်မရွေး နေရာမရွေး စိတ်ဆင်းရဲနိုင်တယ်။ငါ့စိတ်ကို ငါသိလို့ စိတ်ထားတတ်ရင်လည်း နေရာမရွေး အချိန်မရွေးစိတ်ချမ်းသာနိုင်တယ်။
(၁၁) ဘယ်လိုသဘောထားရင် စိတ်ချမ်းသာမယ်။ ဘယ်လိုတွေးရင် စိတ်ချမ်းသာမယ်။ဘာလုပ်ရင် စိတ်ချမ်းသာမယ်။ ဘယ်သူနဲ့ပေါင်းရင် စိတ်ချမ်းသာမယ်ဆိုတာကိုအမြဲ လေ့လာရမယ်။ စိတ်ချမ်းသာတဲ့သူတွေကို လေ့လာမယ်။ အဆင်ပြေနေတဲ့သူတွေကိုလေ့လာမယ်။
(၁၂) ကိုယ့်ဘ၀ ကိုယ့်နေရာ ကိုယ့်အခြေအနေကို ဘယ်သူနဲ့မှ မလဲချင်ဘူး။လဲချင်နေရင် စိတ်ဆင်းရဲနေတယ်။ ငါ့ဘ၀ကို ငါ ကျေနပ်တယ်။ ဘယ်သူ့ဘ၀နဲ့မှမလဲနိုင်ဘူးဆိုရင် စိတ်ချမ်းသာတယ်။(၁၃) ကိုယ့်ကို သူများ ချီးမွမ်းတဲ့အခါ နှစ်သက်ပါတယ်။ ဒါပေမယ့် အဲဒါသိပ်အရေးကြီးတယ်လို့ သဘောမထားဘူး။ ချီးမွမ်းတာခံရဖို့ မလုပ်ဘူး။ ကိုယ်စိတ်ဝင်စားတာ၊ ကိုယ်ဝါသနာပါတာ၊ ကိုယ်လုပ်ချင်တာကို လုပ်တယ်။ ချီးမွမ်းရင် ကျေနပ်ပါတယ်။ဒါပေမယ့် ငါလုပ်တာကို ချီးမွမ်းမှာလား၊ ကဲ့ရဲ့မှာလားလို့ မတွေးဘူး။
(၁၄) ငွေ ဘယ်လောက်လိုချင်တယ်လို့ မတွေးတော့ဘူး။ ဒီအလုပ်လုပ်ရင်ငွေဘယ်လောက်ရမလဲလို့ မတွေးဘူး။ ဒီအလုပ်ကို ချစ်လို့ လုပ်တယ်။
(၁၅) ကိုယ့်စိတ်မှာဖြစ်တဲ့ ခံစားမှုနဲ့ပတ်သတ်ပြီး ဘယ်သူ့မှာမှတာဝန်မရှိဘူး။ ငါ့စိတ်ကိုငါ ချမ်းသာအောင် ထားနိုင်တယ်။ငါ့စိတ်ချမ်းသာမှုကို သူများ ဖျက်ဆီးလို့ မရဘူး။ ငါစိတ်မချမ်းသာရင် အဲဒါဘယ်သူ့မှာမှ တာဝန်မရှိဘူး။ ငါ့စိတ်ချမ်းသာမှုဟာ ငါ့တာဝန်ပဲ။ ငါဒုက္ခရောက်တာ သူတို့ကြောင့်လို့ တွေးသလား။ အဲဒီလို တွေးနေရင်စိတ်ဆင်းရဲနေတယ်။ စိတ်ချမ်းသာတဲ့သူ မဖြစ်သေးဘူး။ ငါ့စိတ်မှာဖြစ်တဲ့ခံစားမှုအတွက် ငါ့မှာပဲ တာဝန်ရှိတယ်။ ဘယ်သူ့ကိုမှ အပြစ်တင်ဖို့မလိုဘူး။ အဲဒီလို သဘောထားကိုပြတ်ပြတ်သားသား ထားနိုင်တဲ့သူဟာ စိတ်ချမ်းသာတဲ့သူ။ ငါ့ကိုစိတ်ဆင်းရဲအောင် လုပ်ကြတယ်။ ငါ့ကို စိတ်ဆင်းရဲအောင် မလုပ်ကြနဲ့လို့ပြောတဲ့သူဟာ စိတ်ဆင်းရဲနေတဲ့သူ။
စိတ်ချမ်းသာအောင်နေတတ်သူတွေမှာ ရှိတဲ့ အချင်းအရာ လက္ခဏာတွေဟာ ဘာတွေလဲ။စိတ်ချမ်းသာအောင် နေတတ်တဲ့သူဟာ
Boldness: သတ္တိရှိတယ်။ ဆုံးဖြတ်ရဲတယ်။ ပြောရဲတယ်။ လုပ်ရဲတယ်။
Brightness: အသိဉာဏ် တောက်ပြောင်တယ်။
Cheerfulness: ရွှင်လန်းတယ်။
Common sense: ပင်ကိုယ်ဉာဏ်ရှိတယ်။
Confidence: ကိုယ့်ကိုယ်ကို ကိုယ် ယုံကြည်မှုရှိတယ်။
Control: မိမိကိုယ်ကို ထိန်းသိမ်းနိုင်တယ်။ အခြေအနေကို ထိန်းသိမ်းနိုင်တယ်။
Enthusiasm: စိတ်အားထက်သန်တယ်။ တက်ကြွတယ်။
Forgiveness: ခွင့်လွှတ်နိုင်တယ်။
Friendliness: ခင်ခင်မင်မင် ဆက်ဆံတတ်တယ်။
Gratitude: ကျေးဇူးသိတတ်တယ်။ တန်ဖိုးထားတတ်တယ်။ အသိအမှတ်ပြုတယ်။
Joyousness: ကြည်လင်ရွှင်လန်းတယ်။
Kindness: ကြင်နာတတ်၊ ညှာတာတတ်တယ်။
Mental fitness: စိတ်ဓာတ် ကြံ့ခိုင်တယ်။
Optimist: အကောင်းမြင်တယ်။ အဖြစ်ကိုမြင်တယ်။ အပြုသဘောရှိတယ်။
Patience: စိတ်ရှည်တယ်။ စောင့်ထိန်းနိုင်တယ်။
Peacefulness: စိတ်ငြိမ်းချမ်းတယ်။
Power: စိတ်စွမ်းအားကြီးတယ်။
Productiveness: အလုပ်များများလုပ်နိုင်တယ်။
Wisdom: ဉာဏ်ပညာရှိတယ်။
ဒီအရည်အချင်းတွေ ဒီဂုဏ်တွေကြောင့် စိတ်ချမ်းသာတဲ့သူဟာအခက်အခဲတွေကို ရင်ဆိုင် ကျော်လွှားနိုင်တယ်။ အခက်အခဲကို ရင်ဆိုင်ဖြေရှင်းရတာကို သဘောကျတယ်။